Mahilig akong tumulala kapag walang ginagawa. Ang sarap kasi sa pakiramdam na hindi mo namamalayan ang mga nasa paligid mo. Tititig ka lang sa isang perpektong anggulong magtatangay sa iyo sa kawalan. Pambihira, habang isinusulat ko ito, hindi ko namalayang halos sampong minuto akong nakatunganga sa harap ng monitor. Ang sarap nga naman talaga sa pakiramdam, parang ibang mundo ang ginagalawan kapag nakatulala. Para bang napapahinga ang utak sa sobrang pag-iisip, iwas over heat nga naman. Some says that an idle mind is a devil's workshop, totoo ito pero hindi sa pagkakataong nakatulala ako. Iba kasi ang mga naiisip ko kapag ganitong mga pagkakataon. All I think about is perfect happiness, sinasamantala ko lang ang pagkakataong lumilipad ang utak ko. Wala sa realidad kaya madaling umimbento ng magagandang pangitain. Masayang pampalipas oras na wala pang bayad.
Walang komento:
Mag-post ng isang Komento