Kung ang buhay ay may umpisa
Kung gayon ito rin ay may hanggan
At ito ay ang malayo sa iyo,
Pinakamamahal ko
Ito’y magdudulot ng walang hanggang pagluha
Sapagkat napakasakit ang mawala ka
…
Nalulungkot ako habang iniisip kita ngunit
Biglang sumagi sa ‘king isip kung nasaan ka nga ba,
Ito’y sa tahimik at mapayapang lugar
Kasama ng Poong Maykapal
…
At ngayong alam ko na,
Na nandiyan ka upang sumuporta
Hindi ko na kailangan malungkot pa
Sapagkat alam kong makakasama pa kita
…
Hindi ko malilimutan ang ating samahan
Kabutihan, aruga at pagmamahal na iyong pinaramdam
Nalulungkot ako habang sinusulat ko ito
Ngunit maghihintay ako
Hanggang sumapit ang tamang panahon
Na makita kang muli at gugulin ang habang buhay sa piling mo lagi
…
Ngayong nalaman kong napakaikli lang pala ng panahon
Napakaswerte ko
Sapagkat nakatagpo ako ng tulad mo
Wala ng hihigit pa sayo
Anghel ko
Walang komento:
Mag-post ng isang Komento